Tembang Ninabobo

Tembang Ninabobo

Dening : Turiyo Ragilputra

Yun mbambun

Gedhang kapok gedhang ijo

Wong mondhok duwe bojo

            Bojone moblong-mpblong

Turu dhewe digondol uwong

Yun mbambun

Gedhang ambon gedhang kusta

Sapa kae maling aguna

            Mbedhah pager methik kembang

Mlebu metu liwate lawang

Yun mbambun

Gedhang raja gedhang emas

Ayo melu aku nimas

            Ora bakal tiba ing jurang curi

            Tiba ing tilam sari

Kapetik saka : Antologi Geguritan Bledheg Segara Kidul

Aku Pengin

Aku Pengin

Dening : Turiyo Ragilputra

Aku pengin suluk nanging dudu dhalange

Aku pengin tembang nanging dudu sindhene

Aku pengin g

endhing nanging dudu niyagane

Aku pengin blencong nanging dudu genine

Aku pengin dhuwur naging dudu panggunge

Dhalang, aku pengin pangrengkuhe marang wayang

Sindhen, aku pengin pangrengkuhe maramng gendhing

Niyaga, aku pengin pangrengkuhe marang gerong

Wayang, aku pengin pangrengkuhe marang lakon

Blencong, aku pangrengkuhe marang wengi

Panggung, aku pengin pangrengkuhe marang jaman!

Kapetik saka : Antologi Geguritan Bledheg Segara Kidul

Lotre

Lotre 

Dening : Turiyo Ragilputra

 

Urip iki lotre, ora ngerti pira angkane

Ora ngerti bebungah sing dumunung ing njerone

Urip iki lotre, mitraku

Ake sethithike udhu

Dadi lantaraan adoh cedhake wahyu

(nanging urip ora dumunung ing sampiran

Ora gumantung kaya bangsane kemladheyan)

Lotrening urip

Jinangka ing lakone jaka sangkrib.

Sungkem

Sungkem aku-ing andhap pada-Mu

Ya Sang ratu, Sang Pangwasa Pasholatan Agung

Paran jiwa tumelung

Paran pamusthi khajat landhepe dhuwung

Ya, sanubari

sanubari

sanubari

:

Gusti

Kapetik saka : Antologi Geguritan Bledheg Segara Kidul