Langgam
Segara
Dening : Turiyo Ragilputra
Wis daklaras kabeh tembang alum
Nggerongi iwak-iwak lelangen
Antarane ganggeng lan lumut
Ngelingake nalika angenku-angenmu pagut
Pinagut
Kabeh isih panggah kaya wingi uni
Kaya wingi uni
Sepasang mliwis ngrakit gurit nostalgia
Pancen, sapa bisa nelukake angen-angen
Sing oyak-oyakan ing pesisir, ing petamanan?
Mung kari kapan sliramu saguh ngemudheni
Baita ciptaku sing labuh ing dermagane ati
Kapetik saka : Antologi Geguritan Bledheg Segara Kidul
Tidak ada komentar:
Posting Komentar