Katarsis Urip
Dening : Turiyo Ragilputra
sagegem guyu
saraup tangis
linangga karana takdir, lan jiwa
sing ngulur benang carita
ndhudhah cangkriman jagad sagebyaran
sinambi njlumati lawe
dadi salembar mori
dudu karana impi
dudu amarga janji
kabeh mung nurut banyu sing mili
Kapetik saka : Antologi Geguritan Bledheg Segara Kidul
Tidak ada komentar:
Posting Komentar